ԱՄՆ ֆինանսների նախարարը հայտարարել է, որ Միացյալ Նահանգները մոտ է մի քանի երկրների հետ առևտրային համաձայնագրերի շուրջ գործարք կնքելուն՝ հուլիսի 9-ի վերջնաժամկետից առաջ, երբ ուժի մեջ կմտնեն ավելի բարձր մաքսատուրքերը։ CNN-ի հետ զրույցում Սքոթ Բեսենթը ակնարկել է, որ այդ մասին կարևոր հայտարարություններ կլինեն առաջիկա օրերին։
Բեսենթը ասել է նաև, որ Թրամփի վարչակազմը պատրաստվում է նամակներ ուղարկել 100 փոքր երկրների, որոնց հետ ԱՄՆ-ն մեծ առևտուր չունի՝ տեղեկացնելով, որ օգոստոսի 1-ից ուժի մեջ են մտնելու ավելի բարձր մաքսատուրքերը, որոնք սահմանվել էին ապրիլի 2-ին, սակայն սառեցվել մինչև հուլիսի 9-ը։
«Նախագահ Թրամփը նամակներ է ուղարկելու մեր որոշ առևտրային գործընկերներին՝ ասելով՝ եթե դուք տեղից չշարժվեք, օգոստոսի 1-ին կվերադառնաք ապրիլի 2-ին սահմանված մաքսատուրքի մակարդակին։ Այնպես որ, կարծում եմ, որ մենք շատ արագ կտեսնենք շատ գործարքներ», - ասել է Բեսենթը՝ առանց հավելյալ մանրամասների։
